اسلام آباد۔ 26اپریل (اے پی پی) پاکستان تحریک انصاف نا راہشون ڈاکٹر بابر اعوان پارینے کہ وزیراعظم عمران خان نا 23سال انا سیاسی جہد ملک اٹی پوسکن ئُ ادارہ جوڑ کننگ اٹ مزل مریک۔ جمعہ نادے آ احتساب عدالت اٹی پیشی آن پد صحافی تتون گپ و تران کرسا ڈاکٹر بابراعوان پارے کہ اینو غٹ آن اہم انگا ہیت دادے کہ وزیراعظم عمران خان ون بیلٹ ون روڈ ڈٹ آ اہم ئُ تقریر اس کرینے۔ اوپارے کہ وزیراعظم نا تران کلیدی ئس۔ اوپارے کہ وزیراعظم نا تقریر داہیت انا ضامن ئِ کہ سی پیک ہم جوڑ مریک و داڑتون گنڈوک زون آک ہم جوڑ مریرہ۔ ڈاکٹر بابر اعوان پارے کہ پاکستان اٹی بدلی نا سفر بناکرینے ہرابرجاسلک، وزیراعظم عمران خان سیاسی جہد نا سوب آن داسال و بروک آ چار سال پاکستان اٹی پوسکن ئُ ادارہ جوڑکننگ کن مزل نا نشان مریک ۔
