اسلام آباد۔ 26اپریل (اے پی پی) چیئرمین سینیٹ محمد صادق سنجرانی نا خصوصی سلہ غا پاکستان نا دورہ غا بروک آ سعودی شوریٰ کونسل نا چیئرمین ڈاکٹر عبداللہ بن محمد بن ابراہیم الشیخ نا کماشی ٹی ڈل جمعہ نادے آ پدی سعودی عرب آ رادہ مسنے۔ ڈل ئِ چیئرمین سینیٹ محمد صادق سنجرانی نیو اسلام آباد ایئر پورٹ آ سپارا۔ داوخت آ سینیٹر مہمان داری سینیٹر دلاور خان، سینیٹر سسی پلیجو، میر کبیر احمد محمد شہی، سیمی ایزدی ، ڈاکٹر اسد اشرف و سینیٹ نا بڑزکو کمامدارآک ہم ساڑی ئسر۔ سعودی ڈل پاکستان نا دورہ ٹی صدر مملکت ڈاکٹر عارف علوی ، وزیراعظم عمران خان، چیئرمین سینیٹ محمد صادق سنجرانی ، اسپیکر قومی اسمبلی اسد قیصر و ایلواہم راہشون آتون اوڑدہی کرے۔ ڈل انا سروک تینا دورہ پاکستان ئِ بے کچ اہم گوندا۔ اوپارے کہ دا دورہ ٹی پاکستان نا سرکڑدہ غاتون مروک آ اوڑدہیک بھاز اہم ئُ۔ اوڑدہی تیٹی ہڑتوم آ کنڈآتا اہمیت نا معاملہ غاتیا گپ و تران مس۔ ڈل چیئرمین سینیٹ محمد صادق سنجرانی، سینیٹر مہمان داری سینیٹر دلاور خان و سینیٹ سیکرٹریٹ نا منت واری ئِ ہرفیر۔

متعلقہ مضامینمصنف کی طرف سے مزید