اسلام آباد۔ 26اپریل (اے پی پی) اسپیکر قومی اسمبلی اسد قیصر پارینے کہ اللہ نیک کاریم کروک آتا کمک ئِ کیک، اللہ نا خصوصی ئُ مہربانی اس مریک کہ ہراتم کس اسے نا است اٹی بھلو کاریم اسے نا احساس ئِ شاغے، نما سمت درست مرے تو نم مزل آ ضرور سرمریرے۔ داخیال آتا درشانی ئِ او جمعہ نادے آ اخوت کالج قصور اٹی طالب علم آتیان تران اٹی کرے۔ اوپارے کہ انسان نا شونداری اونا سوچ اٹی ئِ، جوان ئُ بندغ اس مننگ المی ئِ ، ڈاکٹر ، انجینئر و بیوروکریٹ مننگ تون اسہ جوا ن ئُ بندغ اس مننگ ہم المی ئِ ، طالب علم آک ننا آخبت آک ئُ و ننا جوڑ کروک آک ئُ۔ اسد قیصر پارے کہ راج اٹی پدی سلوک آ تپہ غاتا شونداری ننا زمواری ئِ ، نزور تپہ غاتا شرحالی ٹی راجی ادارہ غاتا بھلو کاریم اسے۔ اخوت فاﺅنڈیشن چناتا آخبت کن دے و نن کاریم و خواری کننگ ئِ۔ اوپارے کہ فلاحی خذمت کروک آ ادارہ غاک کنے تینا نمائندہ تکر، ای نما جہد ئِ خراج تحسین پیش کیوہ، کاریم کننگ کن پن انا بھلن مننگ نا گرج اف، خذمت کن جہد نا جوزہ درکار مریک۔ اسپیکر قومی اسمبلی پارے کہ بیوروکریٹ آتے الس نا ویل آتے ایسر کننگ کن کاریم کروئی مریک۔ الس نا اولیت آتیا پورو سلنگ کن کاریم کننگ اُن۔ اوپارے کہ حکومت ئِ چیلنج مون تروک ئِ غٹ آن بھلا چیلنج اکانومی نا ئِ، زوت پاکستان دا چیلنج آتیان پیش تمک، ننا وزیراعظم ننے دا چیلنج آتیان ہم کشک۔ اوپارے کہ ننے دا سجفوئی ئِ کہ ننے ملک آن ہلنگ آخا تروئی ئِ تے۔ اوکان پد اسپیکر قومی اسمبلی اخوت کالج اٹی نیال اس ہم خلک۔
