اسلام آباد۔ 25اپریل (اے پی پی) تحریک انصاف نا باسک قومی اسمبلی صالح محمد خان پارینے کہ ہزارہ موٹروے ءِ اینخو نا سال جولائی اسکان مانسہرہ اسکان الس کن ملنگنگک، وزیراعظم عمران خان وار وار آپارینے کہ قومی دولت ءِ لٹ وپل کروک آتے این آر او تفننگک۔ پنچ شنبے نادے آ پارلیمنٹ ہاؤس نا پیشن میڈیا تون گپ و تران کرسا اوپارے کہ قومی دولت ءِ لٹ وپل کروک آتے ہچ ءُ حال اسے ٹی بشخنگ پننگک بلکن اوفتیان قومی دولت ءِ پدی ہلسا قومی خزانہ ٹی جمع کرفنگک۔ اوپارے کہ وزیراعظم عمران خان قومی دولت ءِ لٹ وپل کروک آتیا وار وار پیدوار کرینے کہ قومی دولت ءِ لٹ و پل کروک آتے ہچ ءُ دروشم اسے ٹی آین آر او ملیپک۔ اوپارے کہ ہزارہ موٹروے ڈٹ آ کاریم ترندی اٹ برجاءِ، اینخو نا سال مانسہرہ نا علاقہ بٹل اسکان موٹروے ءِ الس کن ملنگنگک۔
