اسلام آباد۔ 25اپریل (اے پی پی) وزیراعظم عمران خان وزیر آتے پارت کرینے کہ حکومت نا شونداری ایجنڈا و السی راجی آسراتی نا گام گیج آتا بارواٹ الس ءِ پورو آگاہی تننگے۔ اوداہیت ءِ پنچ شنبے نادے آ خصوصی کمکار اطلاعات ونشریات ڈاکٹر فردوس عاشق اعوان تون گپ و تران کرسا پارے ہرانا سرکڑدہ ہی ٹی وزیر اطلاعات پنجاب سید صمصام بخاری و وزیر اطلاعات خیبر پختونخوا شوکت یوسفزئی ئسک وزیراعظم تون اوڑدہی کریر۔ اوڑدہی ٹی حکومت نا اصلاحاتی و شونداری ایجنڈ ا و ایلو معاملہ غاتیا گپ و تران مس۔ وزیراعظم وزیر آتے پارت کرے کہ حکومت نا شونداری ایجنڈاو السی راجی آسراتی نا غرض اٹ چست کروک آ گام گیج آتے ٹی الس نا پبی شرکت ءِ المی کننگ کن المی ءِ کہ دا گام گیج آتا بارواٹ الس ءِ پورو وڑاٹ آگاہی فراوان کیر۔
