چمن، نادرست سلہہ بند موٹرسائیکل سوار آتا پولیو ٹیم آ سم کاری، اسہ پولیو ورکر زالبول اس تپاخت کرے وخت اس کہ ارٹ میکو زالبول ٹھپی مس، لیویز

کوئٹہ۔ 25اپریل (اے پی پی) چمن نا علاقہ ٹی نادرست سلہہ بند موٹرسائیکل سوارآتا پولیو ٹیم آ سم کاری اسہ پولیو ورکرزالبول اس تپاخت کرے وخت اس کہ ارٹ میکو زالبول ٹھپی مس، لیویز نا رداٹ پنچ شنبے نادے آ چمن سلطان زئی نا علاقہ ٹی نادرست سلہہ بند بندغ آک پولیو ٹیم آ اناگت سم کاری کریر ہراٹی پولیو ورکر نسرین ہمووخت آ تپاخت کرے وخت اس کہ راشدہ ٹھپی مس، لیویز و سیکورٹی فورس آتے حوال ملنگ تون واقعہ نا جاگہ غا سرمرسا لاش و ٹھپی تے دمدستی وڑاٹ ہندی ہسپتال آ مون تسر ہراڑے ٹھپی پولیو ورکر ءِ دمدستی وڑٹ طبی امداد آن پد کوئٹہ غا درمان کن رادہ کننگا لیویز و سیکورٹی فورس آک علاقہ نا ناکہ بندی ءِ کرسا دوبہ دار آتا پٹنگ نا بناءِ کرینو۔