اسلام آباد۔ 25اپریل (اے پی پی) وزیراعظم نا خصوصی کمکار علی نواز اعوان پارینے کہ میئر اسلام آباد شیخ عنصر عزیز نا اکاؤنٹ اٹی اسہ ارب روپئی ارے ہرافتے اودے الس آ خڑچ کروئی مریک، پارلیمنٹ الس نا ویل آتا ایسری کن ءِ ولے اپوزیشن جندی فائدہ غاتے اولیت تننگ ءِ۔ پنچ شنبے نادے آ پارلیمنٹ ہاؤس نا پیشن میڈیا تون گپ و تران کرسا اوپارے کہ دارالحکومت اٹی دیر انا ویل ودسا کننگ ءِ، میئر اسلام آباد دیر انا کمتی نا بابت کڑد ادا کے و دابابت ڈٹ جوڑ کننگے۔ میئر اسلام آباد نا اکاؤنٹ اٹی اسہ ارب روپئی تخوک ءُ ہرافتے الس آ خڑچ کروئی مریک، داسہ او بایدے سماکے، اوپارے کہ اپوزیشن ایوان اٹی الس نا ویل آتے ایسر کننگ نا ہیت جوان لگپک، ولے انت اپوزیشن اینو اسکان کبینی، گیس، بجلی نا نہاد آتے ٹی ودکی نا بابت قرارداد اس جمع کرفینے۔ دا دا بابت ایوان اٹ شرہ کپک بلکن اپوزیشن بیرہ جندی فائدہ غاتے کن ایوان اٹی شورشرابہ کیک۔ اوپارے کہ الس نا ویل آتے ایسر کننگ اٹ اونا ہچ ءُ است خواہی اس اف۔
