راولپنڈی۔ 24 اپریل (اے پی پی) پاک فوج ءِ سروک جنرل قمر جاوید باجوہ ءَ اولی نیشنل یونیورسٹی آف ٹیکنالوجی (نیوٹیک) ءِ بنگیج کت۔ اے یونیورسٹی دو سال ءِ کساس ءَ سرجم بیت، نیشنل یونیورسٹی آف ٹیکنالوجی ءَ 30ہزار ءَ چہ 50ہزار ءَ تاں نودبر زانشت ھیل کت کناں۔ پاک اُرد ءِ شوبگ (آئی ایس پی آر) ءِ رد ءَ پاک اُرد ءِ سروک جنرل قمر جاوید باجوہ ءَ نیشنل یونیورسٹی آف ٹیکنالوجی ءِ اولی کیمپس ءِ جوڑیشت ایف ڈبلیو او ءِ کرد ءَ را ساڑات ءُُ گوشت کہ نیو ٹیک ءِ مول ءُُ مراد پاکستان ءِ معاشی دیمروئی ءِ واستہ بلد کاریں مردم ءِ تیار کنگ انت۔ جنرل قمر جاوید باجوہ ءَ دو سال ءِ لُکوکیں وھد ءُُ ساھت ءَ کلاسز ءِ بنگیج ءِ پد ءَ انتظامیہ ءِ کرد ءَ را ساڑات۔ رھشون ءُُ نودبر آں گوں تران کنان ءَ جنرل قمر جاوید باجوہ ءَ گوشت کہ نیو ٹیک ءِ مول ءُُ مراد پاکستان ءِ معاشی دیمروئی ءِ واستہ بلدکاریں مردم ءِ جوڑ کنگ۔ جنرل قمر جاوید باجوہ ءَ نیو ٹیک ءِ نوکیں ماڑی ءِ جوڑیشت ءِ واستہ ھم سرجمیں کمک ءِ دل یکیمی کنائینت وھدیکہ یونیورسٹی ءُُ صنعتی شوبگ ءِ نیام ءَ جوانیں سیادی یے توسیپ ھم کت۔
