اسلام آباد۔ 25اپریل (اے پی پی) وزیر جان جوڑی ڈاکٹر ظفر مرزا پارینے کہ رکھی ٹیکہ غاتا ہر چنااسکان رسینگ ءِ ممکن کننگ ہر پاکستانی نا زمواری ءِ و غٹ ءِ اواری اٹ دا چرجوئی ٹی کڑد ادا کروئی مریک۔ داخیال آتا درشانی ءِ او پنچ شنبے نادے آ رکھی ٹیکہ غاتا جہانی ہفتہ نا موقع غا جاری تینا اسہ بیان اسے ٹی کرے۔ اوپارے کہ ہرجان جوڑی نا نظام اٹی رکھی ٹیکہ غاتے کلیدی ءُ حیثیت اس دوئی ءِ و دا پروگرام ءِ سوگو کننگ ننا اولیت ءِ ننے رکھی ٹیکہ غاتا ساڑی نظام ءِ گچین کروئی مریک تانکہ لمہ و چنا تا مرک انا کچ اٹی کمتی اتنگ مرے۔ حکومت انسانی شونداری و الس نا زند انا آب ءِ گچین کننگ نا عزم کرینے جان جوڑی نا بشخ اٹی بھلو کچ اسے آ اصلاحات نا گرج ءِ۔ اوپارے کہ وزارت جان جوڑی پرائمری ہیلتھ کیئر ءِ گچین کننگ کن اسہ جامعہ قومی ایکشن پلان اسے آ کاریم کننگ ءِ ہراٹی رکھی ٹیکہ غاتا پروگرام ءِ خصوصی ءُ اہمیت اس دوئی مریک۔ دارداٹ ملک انا چندی بشخ آتے ٹی رکھی ٹیکہ غاتا پین سینٹر آتے ملنگ نا سفارش ءِ تانکہ اسہ چناس ہم دا آسراتی آن محروم سلپ۔ اوپارے کہ وزیراعظم عمران خان نا وژن نا رداٹ جان جوڑی نا بشخ اٹی اصلاحات اتینہ۔ وزیر جان جوڑی پارے کہ ہرسال حکومت نا کنڈآن 10 لکھ چناتے 10 ہلوک آ ناجوڑی تا برخلاف ویکسین مفت تننگک۔ رکھی ٹیکہ غاتا پروگرام ءِ گچین کننگ آن سوگو شونداری ہدف آتا دوئی کننگ اٹ کمک رسینگک۔
