واپار و زرکاری ٹی ودکی، علاقائی و راجی بے بریبری تے کم کننگ و ڈیہہ ٹی امن و شونہالی اتنگ نا سوب مریک، مخدوم خسرو بختیار

بیجنگ/اسلام آباد۔ 25اپریل (اے پی پی) بنجائی وزیر ڈٹ بندی شونداری و اصلاحات مخدوم خسرو بختیار پارینے کہ سی پیک نا اولیکو مرحلہ ءِ سرسہبی اتون پورو کننگ آن پد نن صنعتی کمکاری، واپار، کشت وکشار و راجی و اقتصادی شونداری آ چکار کرسا ارٹ میکو مرحلہ ٹی پترینگ انگ اُن۔ داخیال آتا درشانی ءِ او بیجنگ اٹی جہانی کمکاری کن ارٹ میکو بیلٹ اینڈ روڈ فورم نا کنیکٹیوٹی پالیسی نا سرحال آ اڈ ہلوک آ دود آن تران کرسا کرے۔ اوپارے کہ واپار و زرکاری ٹی ودکی، علاقائی و راجی بے بریبری تے کم کننگ و ڈیہہ ٹی امن و شونہالی اتنگ نا سوب مریک۔ اوپارے کہ داوخت آ 22 جتا ڈٹ آتیا ترندی اٹ عملدرآمد مننگ ءِ۔ خسرو بختیار مستی پارے کہ وزیراعظم عمران خان نا ویژن نا رداٹ پاکستان چین نا صدر نا ون بیلٹ ون روڈ ڈٹ انا رداٹ فعال کڑد ادا کننگ ءِ ہرانا اسہ اہم ءُ بشخ اس سی پیک ہم ارے ہراڑا سہی سمت اٹ کاریم برجاءِ۔