اسلام آباد۔ 25جنوری (اے پی پی) پاکستان مسلم لیگ (ن) نا راہشون میجر(ر) طاہر اقبال پارینے کہ پاکستان میزائل ٹیکنالوجی ٹی بھارت آ تینا برتری ئِ ثابت کرینے۔ ریڈیو پاکستان تون ہیت وگپ کرسا اوپارے کہ بھارت ننا دیرینہ دشمن ئِ و او پاکستان ئِ بشخ وپانٹ نا وخت آن وخت اس ہم امنا کتنے۔ اوپارے کہ بھارت اولیکو دے کنٹرول لین و ورکنگ باﺅنڈری تون اوار مقبوضہ کشمیر اٹی کودک الس آ بیدادی کننگ ئِ۔ اوپارے کہ بھارت نا کنڈآن پاکستان تون بے چیٹی ٹی ودکی کننگ اوڑآکبین تمک و داکان مست کیہی پیشن نا واک آک بھارت ئِ خبر دار کرینو کہ او پاکستان تون چھیڑ چھاڑ کپ، انتئے کہ پاکستان تون پوسکن ئُ میزائل نظام اسے۔ اسہ سوج اسے نا ورندی ٹی میجر(ر) طاہر اقبال پارے کہ پاکستان ڈیہہ نااہم ئُ ملک اسے و پاک چین اقتصادی راہداری ڈٹ آن اونا اہمیت پین ہم ودک ہنداسوب ئِ کہ روس و برطانیہ تون اوار کیہی ملک آک سی پیک اٹی بشخ ہلنگ و زرکاری آ رضامندی نا درشانی ئِ کرینو و داہیت بھارت ئِ جوان لگپک۔ اوپارے کہ پاکستان پرامن ئُ ملک اسے دفاعی واک اٹی ودکی تینا سالمیت کن المی ئِ۔
