اسلام آباد۔ 24اپریل (اے پی پی) وزیراعظم عمران خان پارینے کہ حکومت کاروبار اٹی آسانی و سازگار چاگڑد اس تننگ کن ہروڑ کمک فراوان کیک۔ اوداہیت ءِ یورپ نا ایچ آرڈی انٹرپ اینڈ آئی بی ایل پڑک نا ڈل اتون گپ و تران کرسا پارے ہرافک چارشنبے نادے آ داڑے اوڑتون اوڑدہی کریر۔ یات سلے کہ ایچ آر ڈی انٹرپ ہیرہ غاتا گریڈنگ اٹی یورپ نا پنی آ ادارہ ءِ۔ ڈل اٹی ایچ آر ڈی بیلجیم نا نائب صدر کیتھرین ڈیکوٹ و چیئرمین آئی بی ایل پڑک راشد عبداللہ و ایلوفک اوار ئسر۔ پروفیسر ڈاکٹر عطاء الرحمان ہم ڈل اتون اوار ئس وخت اس کہ اوڑدہی ٹی سلاہکار خزانہ ڈاکٹر عبدالحفیظ شیخ و سلاہکار واپار عبدالرزاق داؤد ئسک ہم ساڑی ئسر۔ ڈاکٹر عطاء الرحمان رنگی آ نہادی خل و جواہر آتا بشخ اٹی ملکی برآمدی لائخی نا بارواٹ پریذینٹیشن تس۔
