اسلام آباد۔ 24اپریل (اے پی پی) وزیراعظم عمران خان چارشنبے نادے آ تینا سری لنکن ہم منصب رانیل ورکرماسنگھے ءِ ٹیل فون کرے و ایسٹر نا موقع غا دہشت گرد جلہو آتا ترندی اٹ مذمت ءِ کرسا پدسلوک آ خاہوت آتون دلی ہڑزخواہی و ٹھپی تا زوت جان جوڑی کن دعا کرے۔ وزیراعظم پارے کہ پاکستان نا الس نہادی جان تا زیان آ بے کچ رنجیدہ ءُ و ڈکھ انا داساہت اٹی سری لنکا نا ایلم تتون سلوک ءَُ۔ اوپارے کہ دہشت گردی آن بھاز بے وڑ زہمی مننگ نا بناء آ نن سری لنکا نا ایلم تا تکلیف ءِ محسوس کننگ کینہ۔ اوپارے کہ دہشت گردی نا ہچ ءُ سیم، مذہب اس مفک و داڑان مچ آ ڈیہہ و دنیا نا امن ءِ خطرہ مون تروک ءِ۔ وزیراعظم پارے کہ پاکستان ہروڑنا دہشت گردی نا مذمت ءِ کیک و دالعنت نا چٹفنگ کن ہرممکنہ مخ تفی ءِ کرسا کیک۔ وزیراعظم انسداد دہشت گردی گام گیج آتا بابت سری لنکاءِ کمکاری نا پیشکش نا اعادہ ءِ ہم کرے۔
