اسلام آباد۔ 24اپریل (اے پی پی) اسپیکر قومی اسمبلی اسد قیصر پارے کہ پاکستان فرانس نا نیام اٹ خوشگوار دیرینہ دوستانہ تعلقداریک ساڑی اریر و ہڑتوم آ ملک آک اہم علاقائی و جہانی معاملہ غاتیا اسہ وڑ ئُ موقف اس تخرہ، پاکستان فرانس تون تینا تعلقداری تے بھاز اہمیت ایتک و پارلیمانی رابطہ غاتے مون آ درسا ساڑی آ تعلقداری تے پین سوگو کننگ خوانہ، اسد قیصر ہڑتوم آ کنڈآتا تعلقداری تے پین سوگو کننگ کن ہڑتوم آ ملک آتا پارلیمنٹ نا باسک آک اہم ئُ کڑد اس ادا کننگ کیرہ۔ داخیال آتا درشانی ئِ او چارشنبے نادے آ سینیٹر علیزرڈ پاسکل نا کماشی ٹی فرانس نا پارلیمانی ڈل اتون اوڑدہی ٹی کرے۔ اوڑدہی ٹی ہڑتوم آ کنڈآتا تعلقداری تتون اوار اہم علاقائی و جہانی معاملہ غاتیا گپ و تران۔ اوڑدہی ٹی اسد قیصر پارے کہ پاکستان فرانس نا نیام اٹ خوشگوار دیرینہ دوستانہ تعلقداریک ئُ و ہڑتوم آ ملک آک اہم علاقائی و جہانی معاملہ غاتیا اسہ وڑنا موقف تخرہ۔ پاکستان فرانس تون تینا تعلقداری تے بھاز اہمیت ایتک و پارلیمانی رابطہ غاتے مون آ درسا ساڑی آ تعلقداری تے پین سوگو کننگ خواہک۔ اسد قیصر ہڑتوم آ کنڈآتا تعلقداری تے پین سوگو کننگ کن ہڑتوم آ ملک آتا پارلیمنٹ نا باسک آک اہم ئُ کڑد اس ادا کننگ کیرہ۔ پارلیمانی فرینڈ شپ پڑک نا پلیٹ فارم نا کمک اٹ مچ آ دنیا ٹی پارلیمان آتون اوار کمکاری و رابطہ غاتے ودفسا دنیا ئِ مون تروک چیلنج آتا گچین وڑاٹ مقابلہ ئِ کننگ مریک۔ اسد قیصر پارے کہ پاکستان نا قومی اسمبلی ٹی فرینڈ شپ پڑک آتے سوگو کننگ آ خصوصی چکارکننگ انگ ئِ ، دہشت گردی و انتہا پسندی دنیا نا امن و سوگوی کن بھلو خطرہ اسے و دانا چٹفنگ جہانی کہول آ خڑکی کمکاری نا ذریعہ اٹ ممکن ئِ۔ سروک فرانسیسی ڈل پارے کہ ڈیہہ ٹی امن و دہشت گردی نا برخلاف جہانی جنگ اٹی پاکستان نا خذمت آک ستاکڑزرہ، فرانس و پاکستان نا نیام اٹ خڑکی کمکاری ڈیہہ و اوڑان پیشن چیلنج آتون مون تننگ کن المی ئِ۔ اوپارے کہ فرانس پاکستان اٹی جمہوریت ئِ مون آ دننگ و جمہوری ادارہ غاتا سوگوی کن ہروڑ کمکاری کن تیار ئِ۔ اوپارے کہ فرینڈ شپ پڑک آتا کڑد ہڑتوم آ ملک آتا پارلیمان تے خڑک اتنگ اٹ بے کچ اہمیت تخک۔ فرانسیسی ڈل تعلیم، توانائی ، کشت وکشاروانفراسٹرکچر نا بشخ آتے ٹی زرکاری نا اسپیکر نا سلاہ غاتیان امنا کرے۔
