پاک۔چین سنگتی ننا خارجہ پالیسی نا اہم ئُ تمبہ اسے
بیجنگ۔ 24اپریل (اے پی پی) وزیر خارجہ شاہ محمود قریشی پارینے کہ پاک۔چین سنگتی ننا خارجہ پالیسی تا اہم ئُ تمبہ اسے ، ہڑتوم آ ملک آک ڈیہہ ٹی جوڑ جاڑ و شونداری آ عمل کننگ ئُ۔ داہیت ئِ او چارشنبے نادے آ بیجنگ اٹی تینا چینی ہم منصب وانگ ژی تون اوڑدہی ٹی گپ و تران کرسا پارے۔ اوڑدہی ٹی ہڑتوم آ وزیر خارجہ غاتا نیام اٹ ڈیہہ ٹی امن و ایمنی نا حالیت و کثیر الجہتی معاملہ غاتے ٹی ہڑتوم آ کنڈآتا کمکاری آ گپ و تران کریر۔ داکان بیدس پاک۔چین تعلقداری، سی پیک، ڈیہہ نا سیکورٹی نا حالیت جہانی معاملہ و اوغان امن عمل آ ہم گپ و تران مس۔ وزیرخارجہ شاہ محمود قریشی پارے کہ پاک۔ چین سنگتی ننا خارجہ پالیسی نا اہم ئُ تمبہ اسے ، داوخت آ ہڑتوم آ ملک آک ڈیہہ ٹی جوڑ جاڑ و شونداری نا ایجنڈا غا عمل کننگ ئُ۔ اوپارے کہ ساڑی حالیت آتا رداٹ وزیراعظم نا دورہ چین بے کچ اہمیت تخک۔
