تین پہ تینی است خواہی نا کسبی معاملہ غاتیا گپ و تران، سی پیک ئِ ڈیہہ کن گیم چینجر اس گوندار
اسلام آباد۔ 24اپریل (اے پی پی) پاک بحریہ نا سروک ایڈمرل ظفرمحمود عباسی چینی وزیر دفاع وے فنگ اتون اوڑدہی ٹی تین پہ تینی است خواہی نا کسبی معاملہ غاتیا گپ و تران کرینو و سی پیک ئِ ڈیہہ کن گیم چینجر اس گوندار۔ ترجمان پاک بحریہ نا رداٹ ایڈمرل ظفرمحمود عباسی چینی بحریہ نا ہفتاد سالہ دود آتا چرجوئی ٹی انٹرنیشنل فلیٹ ریویو نا معائنہ ئِ ہم کرینو۔ نیول چیف کثیر الملکی بحری مشق امن 19 اٹی چین نا بشخ ہلنگ آ چین نا قومی دفاع نا وزیر نا منت واری ئِ ہرفے۔ ایڈمرل ظفر محمود عباسی پارے کہ پاکستان چین اتون تینا سنگتی ئِ قدرانا نظر اٹ ہرک ۔ پاک بحریہ نا سروک و چین نا قومی دفاع نا وزیر سی پیک ئِ ڈیہہ کن گیم چینجر اس گوندار۔ ترجمان پاک بحریہ نا رداٹ ایڈمرل ظفرمحمود عباسی نا دا دورہ ہڑتوم آ ملک آتا بحری فوج آتا نیام اٹ تعلقداری تیٹی سوگوی و استحکام نا سوب مریک۔
