کراچی۔ 23 اپریل (اے پی پی) صدر مملکت ڈاکٹر عارف علوی ءَ گوشت کہ حکومت ملک ءِ اقتصادی گہتری ءِ واستہ جوانیں گامگیج چست کنگ ءَ انت ءُُ ملک زوت اقتصادی دیمروئی ءِ کشک ءَ رھادگ بیت۔ اے ھیالانی درشانی آئی ءَ کاروباری مردم آنی گوما تران کنان ءَ کت آواں سئے شمبے ءَ ادا گند ءُُ نند کت۔ صدر ءِ مملکت ءَ گوشت کہ معیشت ءِ برجائی حکومت ءِ اولی دیمروئی انت، کاروباری برات آنی اے رد ءَ کرد سک باز ارزشتی انت۔ آئی ءَ گوشت کہ حکومت ملک ءَ کاروبار ءُُ سرمایہ کاری دوستیں جاور آرگ دل یکیمی کنگ ءِ گامگیج کنگ ءَ انت۔ آئی ءَ گوشت کہ اے اقتصادی دیمروئی ءُُ وشھالی ءِ واستہ مزنیں کوھنڈگ ات۔ آئی ءَ گوشت کہ مئے صنعت کار ءُُ کاروباری مردم آناں ڈن ءَ روان دیوکیں چیز آنی سر ءَ دلگوشی کنگ لوٹ ایت۔ چیا کہ ڈن ءَ روان دیگ ءِ تہ ءَ گیشی ملک ءِ اقتصادی برجائی ءِ واستہ المی انت۔ آئی ءَ گوشت کہ پاکستان ءَ گوستگیں لستیں سال آنی ساھت ءَ بازیں چیلنج آں گوں دیم پہ دیمی کتگ ایشانی سبب ءَ ملک ءِ کاروباری تبک ءِ مردم آماچ بوتگ اَنت۔ آئی ءَ ملک ءِ دیمروئی ءِ واستہ کاروباری برات آنی ازمت آناں ساڑات ءُُ اے امیت سہرا کت کہ آ جوانی ءَ گوں کوشست کناں۔ ڈل ءَ صدر مملکت ءَ را ضلعی چیمبرز ءِ کرد ءِ بابت ءَ سرپد کت، ملک ءِ اقتصادی کوکا ءُُ کاروباری جاور آنی گہتری ءِ واستہ وتی نیمگ ءَ بازیں شور ءُُ سلاھ ءُُ سپارش پیش کت۔ صدر مملکت ءَ ڈل ءَ را وتی سرجمیں کمک ءِ دل یکیمی دات۔
