اسلام آباد۔ 23 اپریل (اے پی پی) بنجاھی وزیر برائے منصوبگ بندی دیمروئی کار مخدوم خسروبختیار ءِ سروکی ءَ سئے شمبے ءِ روچ ءَ سنٹرل ڈویلپمنٹ ورکنگ پارٹی ءِ دیوان برجم دارگ بوت ایشی ءِ تہ ءَ 20کروڑ 24لکھ کلدار ءِ کساس ءِ یک منصوبگ ءِ منظور وھدیکہ 17ارب کلدار ءِ کساس ءَ یک منصوبگ ءِ گیش منظوری ءِ واستہ ایکنک ءَ را روان دیگ بوت۔ دیوان ءَ سیکرٹری پلاننگ ظفر حسن، بنجاھی وزارت ءُُ صوبائی محکمہ آنی ٹوھیں ٹوھیں سروک آں بھر زوری کت۔ دیوان ءِ تہ ءَ ھال رسانکی در ءُُ آپی آسراتی ءِ بابت ءَ منصوبگ پیش کنگ بوت۔ سنٹرل ڈویلپمنٹ ورکنگ پارٹی ءِ دیوان ءَ کے پی حکومت ءِ نیمگ ءَ خیبر پختونخوا ءَ سیل ءُُ سواد ءِ دیرموئی ءِ واستہ 17000ملین کلدار ءِ کساس ءِ منصوبگ پیش کنگ بوت، اے منصوبگ ءِ مول ءُُ مراد خیبر پختونخوا ءَ دیمروئی کار، نوکری ءُُ ریونیو ءِ گرگ، ھندی کمیونٹی ءِ دیرموئی ، گریبی ءِ کساس ءِ تہ ءَ کمی آرگ، ءَ ھوار دگہ بازیں دیمروئی پروجیکٹ آنی دیمروئی دیگ ھوار اتنت۔ اے موہ ءَ تران کنان ءَ بنجاھی وزیر ءَ گوشت کہ سیل ءُُ سواد ءِ دیمروئی ءِ واستہ خیبر پختونخوا جوانیں گامگیج جنگ ءَ انت۔ دیوان ءَ حکومت ءِ سندھ ءِ نیمگ ءَ ڈسٹرکٹ گھوٹکی ءَ پرووائیڈنگ سٹون پیچنگ اینڈ سٹون اپرن الانگ قادر پور لوپ بند فرام مائل 7/2 اینڈ 8/4 ءِ واستہ 202.412 ملین کلدار ءِ کساس ءِ منصوبگ پیش کنگ بوت ایشرا دیوان ءَ منظور کت۔
