صوبائی دارالحکومت کوئٹہ تون اوار بلوچستان نا گیشتر ضلع غاتیٹی پر اناچرجوئی مسٹ میکو دے ہم برجاہ ، کچا انگا ہندآک تمار، پی ڈی ایم اے و ضلعی انتظامیہ نا کنڈآن امدادی کارروائی تا چرجوئی برجاہ

کوئٹہ۔ 25جنوری (اے پی پی) صوبائی دارالحکومت کوئٹہ تون اوار بلوچستان نا گیشتر ضلع غاتیٹی پر انا چرجوئی مسٹ میکو دے ہم برجاہ سلیس، مستونگ اٹی پر انا سوب کچہ ئُ ہند اسے نا چھت تمنگ آن اسہ نیاڑی اس کسک وخت اس کہ دشت انا علاقہ ٹی پر و برف باری نا سوب کیہی کچہ انگا ہند آک تمار، ضلعی انتظامیہ علاقہ ٹی امدادی کارروائی تا بنائِ کرینے۔ پر انا سوب ڈورتا دیر اتنگ نا سوب چمن اٹی اسہ پین گاڈی اسے دیر درے گاڈی ٹی چندی بندغ آک سوار ئسر ہرافتے بچفنگاوخت اس کہ چمن نیو آباد اٹی ترند پرانا سوب ہندی نجی اسکول نا دیوال تما ولے ہچ ئُ جانی نسخان اس متو ، ترند پر تا سوب نوشکی نا علاقہ ڈاک اٹی چندی خلق آتا ڈغاری رابطہ شار تیان کاٹ مس۔ دالبندین اٹی پر انا سوب عرب مسیت نا گنبد تما ارٹ میکو کنڈپر انا سوب گوادر اٹی انکاڑہ ڈیم اٹی دیر پُر مننگ نا سوب شار اٹی عارضی وڑاٹ دیر انا تنکی چٹا۔