جاپان پاکستان پارلیمنٹری فرینڈ شپ لیگ انا چیئرمین سشرو ایٹو ءِ ’’ہلال پاکستان‘‘ اس تس
ٹوکیو۔ 23اپریل (اے پی پی) وزیر خارجہ مخدوم شاہ محمود قریشی ٹوکیو ٹی پاکستانی سفارت خانہ ٹی اڈ ہلوک آ دود اٹی بشخ ہلک۔ داوخت آ وزیر خارجہ مخدوم شاہ محمود قریشی جاپان پاکستان پارلیمنٹری فرینڈ شپ لیگ انا چیئرمین سشرو ایٹو نا خذمت آتا امنا ٹی اودے ’’ہلال پاکستان‘‘ اعزاز اس تس۔ سشروایٹو ہڑتوم آ ملک آتا نیام اٹ دوستانہ تعلقداری تے مون آ دننگ اٹ بے کچ فعال کڑد ادا کرسا بسنے۔ مخدوم شاہ محمود قریشی پارے کہ شروایٹو، جاپان و پاکستان نا نیام اٹ اقتصادی شریداری کن مدام پیش پیش مسنے۔ جاپان پاکستان پارلیمنٹری فرینڈ شپ لیگ انا باسک آک وزیر خارجہ مخدوم شاہ محمود قریشی ءِ ٹوکیو آ بننگ آ بخیر اٹ پارے۔ وزیر خارجہ مخدوم شاہ محمود قریشی ہڑتوم آ ملک آتا پارلیمنٹ ءِ خڑک اتنگ و دوستانہ تعلقداری تے برجاکرفنگ اٹ جاپان پاکستان پارلیمنٹری فرینڈ شپ لیگ انا کڑد انا ستاءِ کرے۔
