اسلام آباد۔ 23اپریل (اے پی پی) وزیراعظم نا خصوصی کمکار اطلاعات ونشریات ڈاکٹر فردوس عاشق اعوان پارینے کہ بلاول بھٹو زرداری نا سیاسی فلم سکرین آ بننگ آن مست فلاپ مسنے، پیپلزپارٹی سندھ آن ہم چٹنگ اٹی ءِ، چیہانٹ و واتوڑ و آہ و بکا غان اوفتا دم تروک آ سیاست زندہ مننگ کپک، وڈی خوری نا پیسہ غاتے اٹ پیشن نا ملک بڑزکو ادارہ غاتے ٹی تعلیم دوئی کروک آتے تینا تا لٹ و پل نظر بفک، سے شنبے نادے آوزیراعظم نا خصوصی کمکار اطلاعات ونشریات ڈاکٹر فردوس عاشق اعوان پاکستان پیپلزپارٹی نا چیئرمین بلاول بھٹو زرداری نا ٹویٹ آ ردعمل اٹی پارینے کہ وزیراعظم عمران خان ملک آتا نیام اٹ معاشی و اقتصادی کمکاری نا ہیت ءِ کرے۔ اونا داہیت ءِ سیاسی جماعت آتا کنڈآن سیاسی پوائنٹ سکورنگ کن کاریم اٹ اتنگ است ہسونی و مذمت نا قابل ءِ۔ اوپارے کہ ہراپاکستان نا غریب چناتا فیس آتا پیسہ غاتیا تعلیم دوئی کرے اونا سیاسی فلم سکرین آ بننگ آن مست ہی فلاپ مسنے۔ ڈاکٹر فردوس عاشق اعوان پارے کہ پیپلزپارٹی سندھ آن ہم چٹنگ اٹی ءِ ، چیہانٹ و واتوڑ و آہ و بکا غان اونا دم تروک آ سیاست زند ہ مننگ کپک۔
