اسلام آباد۔ 23اپریل (اے پی پی) وزیر مملکت موسمیاتی بدلی زرتاج گل پارینے کہ حکومت تینا پنچ سال ءِ پورو کیک، سلاہکار خزانہ ملکی معیشت ءِ پین جوان کیک، اپوزیشن ایوان اٹی اخس کہ مرضی ءِ تا شورشرابہ کیر احتساب نا عمل داسہ سلپک۔ سے شنبے نادے آ پارلیمنٹ ہاؤس نا پیشن میڈیا تون گپ و تران کرسا اوپارے کہ الس گچین کاری تیٹی تحریک انصاف ءِ وونٹ ترسا سرسہب کرے و حکومت کننگ نا مینڈیٹ ءِ تسونو، حکومت تینا پنچ سال انا آئینی مد ءِ پورو کیک، وزیر آتا بدلی آ اپوزیشن سیاست کپ، پیپلزپارٹی تینٹ تینا دور حکومت اٹ اخس وزیر آتے بدل کرے ، ننے آ تنقید کروک آک تینے آ ہریر، ہرافتا بے نامی اکاؤنٹ آک مون آ بننگ ءُ و بے نامی میرات آک مون آ بننگ ءُ ، اپوزیشن نا اخس کہ مرضی ءِ شور شرابہ کے احتساب نا عمل سلپک ۔ اوپارے کہ حکومت الس نا گچینی کن کاریم کننگ ءِ وخت اس کہ اپوزیشن ڈیسک آتے خلنگ ءُ و ایوان اٹی دیچہ امرو توار کشنگ ءُ۔ حکومت کس اسے نا مون آ تینے شیف کپک ، ملک وقوم انا پلوک آ پیسہ غاتے ضرور قومی خزانہ ٹی پدی اتنگک۔
