اسلام آباد۔ 23اپریل (اے پی پی) وزیر مملکت مواصلات مراد سعید پارینے کہ ہراتم پاکستان نا سلہہ بند فوج و قوم وطن نا دفاع ءِ کریرہ تو ہمووخت آ بلاول بھٹو زرداری بھارت نا مقدمہ ءِ کریکہ، مودی ءِ تینا نواسہ نابرام آ بٹنگ انگوک آ و جندال ءِ بے ویزہ غان مری آ دروک آ ک وزیراعظم عمران خان نا برخلاف ہیت کننگ ءُ، مستین نا حکمران آک امریکہ و ایلو ملک آتے ٹی مرسا پاکستان نا گل زمین ءِ دہشت گردی کن کاریم اٹ اتنگ نا اعتراف ءِ کرسا کریر، بلاول داوخت آ ابو بچاؤ تحریک اس چلیفنگ ءِ، اونا خیرات نا ایٹ و آکسفورڈ انا فیس ہم پاکستانی قوم انا پیسہ غاتے اٹ ادا مسنے۔ سے شنبے نادے آ قومی اسمبلی ٹی حنا ربانی کھر اناکنڈآن چست کروک آ ٹک آتا ورندی ءِ ترسا وزیر مملکت مواصلات مراد سعید پارے کہ وزیراعظم عمران خان جہانی کہول آ ملک انا وقار ءِ بڑزاکرے، درواسکان امریکہ ڈومور نا خواست ءِ کریکہ اینو امریکہ پاننگ ءِ کہ پاکستان تون اواری اٹ کاریم کینہ۔
