جعفر آباد۔ 23اپریل (اے پی پی) جعفر آباد اٹی ریموٹ کنٹرول بمب دھماکہ ، 12 بندغ ٹھپی وخت اس کہ اِرٹ نا حالیت ءِ نازرک پاننگانے، پولیس نا رداٹ سے شنبے نادے آ جعفر آباد صحبت پور چوک آ موٹرسائیکل اٹی تخوک ریموٹ کنٹرول بمب دھماکہ مس ہراٹی 12 بندغ ٹھپی مسر،ٹھپی مروک آتے ٹی مختیار علی، غلام رسول ، مرزاخان، خان محمد، جانب خان، نیاز ، ارشاد علی، ممتاز ، وکی کمار، عبدالقادر ، شہزادہ ، صدام اوارو، پولیس و سیکورٹی فورس آتے حوال ملنگ تون واقعہ ناجاگہ غا سرمرسا ٹھپی تے دمدستی وڑاٹ ہندی ہسپتال آ مون تسر ہراڑے اوفتے طبی امداد تننگ انگ ءِ ، ٹھپی مروک آتے ٹی اِرٹ نا حالیت ءِ نازرک پاننگانے ، پولیس و سیکورٹی فور س آک علاقہ ءِ گھیڑ اٹی ہلسا مستی جاست وپاست نا بناءِ کرینو۔
