کراچی۔ 22 اپریل (اے پی پی) صدر مملکت ڈاکٹر عارف علوی ءَ گوشت کہ کراچی پاکستانی معیشت ءِ سرین ءِ ھڈ ءِ بستار ءَ انت، مزن وزیر ءِ نیمگ ءَ جار جتگیں نوکیں منصوبگ آنی سر ءَ کار ترندی ءَ گوں بہ بیت، گرین لائن پراجیکٹ زوت سر جم کنگ بہ بیت۔ آئی ءَ اے گپ دو شمبے ءَ ادا سندھ انفراسٹرکچر ڈیویلپمنٹ کمپنی ءِ نیمگ ءَ داتگیں بریفنگ ءِ ساھت ءَ کت اَنت صدر ءَ کراچی ءَ بنجاھی حکومت ءِ سندھ ءَ جاڑیگیں منصوبگ آنی سر ءَ دلجمی دات۔ صدر ءَ گوشت کہ کراچی ءَ مردم آنی واستہ آسراتی ءِ پجاری حکومت ءِ اولی کار آنی تہ ءَ ھوار انت۔ آئی ءَ پنت ءُُ شو ن کت کہ گرین لائن پراجیکٹ ءَ را زوتاں زوت سرجم کنگ بہ بیت چیا کہ منصوبگ کراچی ءَ ھمک روچ سفر کنوکیں مردم باز ارزشتی انت۔
