اسلام آباد۔ 22 اپریل (اے پی پی) پاکستان ءُُ ایران ءَ سیکورٹی کمک ءَ را گیش ودینگ ءُُ ناشرکاری ءِ ھلاپ ءَ جنگ ءُُ دوئیں ملک آنی نیام ءَ یکجاھی سیم سر آئی رکھینگ ءِ واستہ جوائنٹ ریپڈ ری ایکشن فورس جوڑ کنگ ءِ سر ءَ تپاک کتگ، دوئیں ملک آنی سروک دو نیمگی تجارت یکوئی ءَ را گیش برجم کنگ ءِ سر ءَ تپاک کت۔ مزن وزیر عمران خان ءَ دو شمبے ءَ ایران ءِ صدر حسن روحانی ءِ ھمبراھی ءَ یکجائی ءَ پریس کانفرنس ءَ گوں گشتانک دیان ءَ کت دوئیں ملک وتی سر ڈگار ءِ سر ءَ ناشرکاری چست ءُُ ایر آنی موہ ءَ اچبر نہ دیاں ءُُ دوئیں ملک آنی سیکورٹی چیفس کمکی کشک پٹ ءُُ پول کنگ ءِ واستہ ھیال ریچی کنت انت۔ مزن وزیر ءَ اے امیت ءِ درشان کت کہ ایشی ءَ چہ دوئیں ملک آنی نیام ءَ یکوئی آنی تہ ءَ گیشی بیت ءُُ آسر ءَ اے گڈ ءِ سر ءَ تپاک کنگ بوت کہ اچبر وتی ملک ءِ توک ءَ دومی ملک ءِ ھلاپ ءَ ناشرکاری ساچگ ءِ موہ دیگ نہ بیت۔ پاکستان ءِ نیمگ ءَ مزن وزیر ءِ ھاسیں کمکار برائے جان سلامتی ڈاکٹر ظفر مرزا ءُُ ایران ءِ نیمگ ءَ ایرانی وزیر ءِ جان سلامتی سعید مماکی ءَ یاتگیری منگ نامہ ءِ سر ءَ دست چنگل جت۔ مزن وزیر عمران خان ءُُ ایران ءِ صدر حسن روحانی ھم اے موہ ءِ سر ءَ ساڑی اتنت۔
