حکومت غٹ ہمسایہ غاتون ہڑتوم آ کنڈآتا پرامن تعلقداری تے کن کوشست کننگ ءِ، پاکستان ءِ صنعتی و واپاری ہند اس جوڑ کننگ نا خواہنداراُن
ٹوکیو۔ 22اپریل (اے پی پی) وزیر خارجہ مخدوم شاہ محمود قریشی پارینے کہ حکومت غٹ ہمسایہ غاتون ہڑتوم آ کنڈآتا و پرامن تعلقداری تے کن کوشست کننگ ءِ، پاکستان ءِ صنعتی و واپاری ہند اس کننگ نا خواہندار ءِ۔ او جاپان انسٹیٹیوٹ آف انٹرنیشنل افیئرز (جے آئی آئی اے) تون وابستہ دانشور و کاروباری شخصیت آتون گپ و تران کریکہ، ہرافک دوشنبے نادے آ داڑے اوڑتون اوڑدہی کریر۔ اوڑدہی ٹی پاکستان نا ہمسایہ ملک آتون تعلقداری و خارجہ پالیسی نا اہم خدوخال آ گپ و تران کننگا۔ اوڑدہی ٹی وزیر خارجہ مخدوم شاہ محمود قریشی پید وار کرے کہ ڈیہہ نا امن و سوگوی نا بقاء کن ، پاکستان نا ساڑی آ حکومت، غٹ ہمسایہ غاتون ہڑتوم آ کنڈآتا پرامن تعلقداری تے کن کوشست کننگ ءِ، نن پاکستان ءِ صنعتی و واپاری ہند اس کننگ نا خواہندار اُن۔ مخدوم شاہ محمود قریشی پارے کہ گرج دا ہیت انا ءِ کہ ڈیہہ ٹی پوسکن ءُ واپاری بلاک جوڑ کننگے۔ دیوان اٹی مروک آ گپ و تران جاپانی سکالرز اسکان پاکستان نا نقطہ نظر ءِ گچین وڑاٹ سرکننگ اٹ کمکار مریک۔
