اسلام آباد۔ 22اپریل (اے پی پی) وزیراعظم نا سلاہکار خزانہ، کٹیا و اقتصادی امور ڈاکٹر حفیظ شیخ تون دوشنبے نادے آ داڑے پاکستان اٹی جہانی بینک انا کنٹری ڈائریکٹر پیچا موتھو الینگووان اوڑدہی کرے۔ اوڑدہی ٹی پاکستان اٹی جہانی بینک انا کمک اٹ برجاڈٹ آتا بابت معاملہ غاتیا گپ و تران کننگا۔ سلاہکار خزانہ اینخو مالی سال انا ایسر آن مست پاکستان کن جہانی بینک انا فنانسنگ نا عمل ءِ ترند کننگ نا گرج آ زور شاغا۔ اوجہانی بینک انا کنٹری ڈائریکٹر ءِ باوری کرفے کہ منظوری تا عمل ءِ ترند کننگے تانکہ پاکستان کن مالیاتی کمکاری نا وخت آ بشخ وپانٹ ءِ المی کننگ مرے۔ اوڑدہی ٹی دا ہیت آہم امنا کننگاکہ وزیراعظم عمران خان تون جہانی بینک انا چیف ایگزیکٹو آفیسر کرسٹینیا جور جیوادا تُو انا ایسر اٹ چین نا دورہ ٹی اوڑدہی کیک۔
