کوئٹہ۔ 21 اپریل (اے پی پی)سر وزیر بلوچستان جام کمال خان ءَ گوشت کہ مزن وزیر پاکستان عمران خان بلوچستان ءِ دیمروئی ءِ ھاترا سنجیدگ ءِ گاماں چست کنگ انت ءُُ بلوچستان ءِ مردم پُرامید انت کہ ادی باسی ءَ را صدیاں چہ دیم جیڈھ ءُُ جنجال آنی حل پولگ بیت، نیا پاکستان ہاؤسنگ سکیم ءِ بلوچستان چہ بنائی مزن وزیر ءِ اے سنجیدگی ءِ مظہر انت ہمہ کہ بلوچستان ءِ پسماندگی ءِ ھلاسی ءِ ھاترا آئی ءِ وژن انت، گوست ءِ تہ بلوچستان ءِ جیڈھاں را سیاست ءِ بھینٹ ءَ مان کنگ بوتگ ءُُ اے رنگیں تب ایر کنگ بوتگ کہ ایشی چہ پدری ءُُ راستی معاملہ جتا جتا ات ءُُ مہلوک جیڈھانی تہ گٹ بوتگ ات۔اے ھیالانی درشان یک شمبے ءَ نوکیں پاکستان ہاوسنگ اسکیم ءِ بُن ہشت ءِ مراگش ءَ گوں تران کنان ءَ کتگ ات۔سر وزیر بلوچستان ءَ گوشت کہ اے ملک ءُُ نظام ءِ تہ ہمہ ھرابی انت آہانی گہتری ءِ ھاترا مزن وزیر عمران خان ءِ وژن روژن باندات ءِ ضامن انت۔سر وزیر ءَ گوشت کہ بلوچستان ءِ ھوار پاکستان ءِ مردمانی اکثریت چھت ءَ چہ زبہر انت ،نوکیں پاکستان ہاوسنگ اسکیم ملازمانی ھوار اے رنگیں توامیں غریب ءِ مردمانی ھاترا وشی ءِ ھبر انت ہمہ کہ وتی گس ءِ جوڈ کنگ ءِ تاگت ءَ نہ ایر کنگ ات۔ملک ءِ تہ پنجاھ لکھ گسانی جوڈ جاڑی ءِ مراگش یک شریں گام انت ایشی ءِ بنداتی کوئٹہ چہ کت یک شریں کلوھ دات ات۔مراگش چہ تران کنان ءَ بنجاہی وزیر ہاوسنگ ءُُ ورکس طارق بشیر چیمہ ءَ گوشت کہ گریباں را گسانی پھجارگ ءِ اے منصوبگ مزن وزیر ءِ یک راج دپتری گام انت۔آہاں گوشت کہ پاکستان ءِ تہ رہائشی جیڈھانی حل ءِ ھاترا نوکیں پاکستان ہاوسنگ اتھارٹی ءِ ہڈ دیگ ءِ بل ھم پارلیمنٹ ءِ آوکیں دیوان ءِ تہ پیش کنگ بیت۔مراگش ءِ تہ بنجاہی سیکرٹری ہاوسنگ اینڈ ورکس عمران زیب ءَ ھم تران کتگ۔
