اسلام آباد ۔ 21 اپریل (اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹرفردوس عاشق اعوان ءَ سری لنکاءِ تہ ایسٹر ءِ موہ ءِ سرا تراکانی آسر ءَ کیمتی انسانی جانانی تاوان ءِ سرا جہلانکیں ڈکھ ءُُ اپسوز ءِ درشان کتگ۔یک شمبے ءَ ادا چہ جاڑی بیان ءِ ردا آہاں گوشت کہ ناشرکار امن ءِ دژمن انت ءُُ ناشرکارانی کجام مذہب ءِ گوما ہچ سیادی نیست ات ۔آہاں گوشت کہ پاکستان ءِ ڈکھ ءِ اے ساعت ءَ اثرمندیں ھانداناں گوں ھوار انت۔ھاسیں کمکار برائے ھالرسانی ءُُ شنگکاری ءَ گوشت کہ پاکستان ءَ ناشرکاری ءِ ھلاپ ءَ جنگ ءِ تہ جانی ءُُ مالی قربانی داتگ ات۔ پاکستان ءِ مہلوک گمیگیں ھاندانانی گم ءَ سمجھگ انت پرچا کہ ہزاراں پاکستانی ھاندان ءَ ھم اے وڈ ءَ وتی ھاندان ءَ چہ جتا بوتگ ات۔
