اسلام آباد ۔ 21 اپریل (اے پی پی)پاکستان سری لنکا ءِ گرجا گس آنی ءُُ ہوٹلانی سرا اُرشانی سکیں ایراد جنئگ انت،ایشی چہ لہتیں مردم بیران بوتگ ات ءُُ ماڑی ءَ را ھم تاوان رستگ۔دری معاملہانی کارگس ءِ ربالکار ڈاکٹر محمد فیصل ءَ یک شمبے ءَ وتی ٹویٹ ءِ تہ گوشت کہ پاکستان ءِ مہلوک ءُُ حکومت ڈکھ ءِ اے ساعت ءَ سری لنکا ءِ مہلوک ءَ گوں ھوار انت۔یک شمبے ءَ سری لنکا ءِ تہ گرجا گسانی ءُُ ہوٹلانی سرا اُرش ءِ آسر ءَ 137مردم بیران بوتگ ات ءُُ دگہ سدانی کچ ءَ ٹپی بوتگ ات۔سری لنکا ءَ یک شمبے ءَ ایسٹر ءِ موہ ءِ سرا عبادات ءِ تہ دزگٹ ات کہ آہانی سرا ناشرکاراُرش کنگ بوتگ ات۔ رپورٹسءِ ردا کولمبو ءِ تہ 45مردمانی بیرانی بوتگ وھدیکہ بنجاہ ءِ تہ نیگومبو ءِ چرچ ءِ سرا اُرش ءِ آسر ءَ 67مردم بیران بوتگ ات،اے وڑ ءَ مشرقی شہر بائی کالووا ءِ تہ چرچ ءِ سرا اُرش چہ 25مردمانی بیرانی بوتگ۔
