اسلام آباد۔ 20 اپریل (اے پی پی) مزن وزیر عمران خان (باندا) یک شمبے ءَ ایران ءِ دوروچیں سرکاری تروتاب ءِ سرا روان بنت۔مزن وزیر ایران ءِ صدر حسن روحانی ءِ دعوت ءِ سرا ایران ءِ تروتاب ءَ کنگ انت۔تہران آھگ چہ پیسر ءَ مزن وزیر مشہد ءِ تہ گونڈوءِ اوشت کن انت۔تروتاب ءِ تہ مزن وزیر ایران ءِ صدر حسن روحانی ءُُ ایرانی سپریم لیڈر سید علی خامنائی ءَ گوں جتا جتاھیں گند ءُُ نند کن انت۔گند ءُُ نند ءِ تہ خطہ ءِ جاورھال،امن ءُُ ایمنی ءُُ میاں اوستمانی جاورھالءِ سرا ھیال ریچی کنگ انت وھدیکہ گند ءُُ نند ءِ تہ پاک ایران سیادی ،کشمیرءِ جیڈھ ءُُ اوگانستان ءِ تہ امن ءُُ ایمنی ءِ سرا ھم گپ ءُُ تران بیت۔ عمران خان ایرانیءُُ پاکستانی بزنس کیمونٹی ءِ باسکاں گوں گند ءُُ نند ھم کن انت۔پاکستان ءُُ ایرانءِ میان ءَ نزیکیں راج دپتری ءُُ ربیدگی سیادیءَ را مھکمیں بنیاتاں ہمگرنچ انت۔مزن وزیر ءِ تروتاب چہ دوئیں ملکانی میان ءَ نزیکیں دودیمی سیادی گیش مھکم بنت۔
