دری معاملہانی بنجاہی وزیر شاہ محمود قریشی ءِ پریس کانفرنس

اسلام آباد۔ 20 اپریل (اے پی پی) دری معاملہانی بنجاہی وزیر شاہ محمود قریشی ءَ گوشت کہ ارماڑہ واکیہ ءِ تہ ھوار ناشرکاریں گلانی بنجل ایران ءِ تہ انت،
راستیں حال ءِ پدا ایران ءِ گوما معلومداری ءِ مٹ ءُُ سٹ کتگ ات۔مئے کِرءَ اے واکیہ ءِ ھاسیں فرانزک ثبوت ساڑی انت،بارڈر ءِ سیکورٹیءُُ رکھگ ءِ ھاترا پاک ایران سیمسرءِ سرا باڑ جنئگ،نوکیں جنوبی کمانڈ جوڈ دیگ ،بارڈر سنٹرز جوڈ دیگ ءُُ سیمسرءِ نگہوانی ءِ ھاترا ہیلی کاپٹر سروس بناء کنگ ءِ ھوار دگہ گام چست کنگ ءِ پیسلہ کنگ بوتگ انت۔ھپتگ ءَ ادا پریس کانفرنس ءَ گوں تران کنان ءَ بنجاہی وزیر ءَ گوشت کہ ارماڑہ اُرش ءِ ھوالہ چہ دری معاملہانی وزیر ءَ گوشت کہ اُرش ءِ تہ 14پاکستانی ءَ را شہید کنگ بوتگ ،شہیدانی تہ 10 پاکستان نیوی، 3 پاک فضائیہ ءُُ یک پاکستان کوسٹ گارڈ ءِ کارندہ ات۔آہاں گوشت کہ مہ اے وھد ءَ تاں ھاموش اے ھاترا ات ءِ کہ بھارت ءِ وڈ ءَ ابید ثبوت ءُُ پٹ ءُُ پول ءَ بہتام زنی کنگ مہ لوٹگ اوں۔آہاں گوشت کہ نوں مئے کِر ءَ فرانزک شاھدی ساڑی انت کہ ناشرکاراُرش بلوچ ناشرکار الائنس بی آر اے ءَ کنائینت ات ایشی ءِ ہیلکاری ءُُ لاجسٹک کیمپس ایران ءِ تہ انت۔دری کارانی وزیر ءَ گوشت کہ مہ معلومداری ایران ءَ گوں شیئر کتگ ات،آہاں گوشت کہ ایران مئے ھمساھگیں ملک انت ءُُ مئے ایشی ءِ گوما کوھنیں سیادی انت، امیت انت کہ ایران وتی سرڈگار ءِ سرا ناشرکار عناصرءِ ھلاپ ءَ سرجمیں کارروائی کن ایت۔شاہ محمود قریشیءَ گوشت کہ من مروچی ایران ءِ وتی ہم کار جاوید ظریف ءِ گوما ٹیلی فون ءِ سرا سرجمیں گپ ءُُ تران کتگ ءُُ آہاں اے ناشرکارانی نشان دیگ ءِ ھاترا سرجمیں کمک ءِ سدکی داتگ۔