پشاور۔20اپریل (اے پی پی)گورنر خیبر پختونخوا شاہ فرمانءِ گوماقبائلی ضلعہانی اسمبلی باسکاں گورنر ہاوس پشاور ءِ تہ گند ءُُ نند کتگ۔اے درگت ءَ سروزیر خیبرپختونخوا محمودخان ھم ساڑی اتنت۔گند ءُُ نند ءِ تہ قبائلی دمگانی تہ امن ءُُ ایمنی ءِ جاورھال،انتظامی معاملہ ءُُ دیمروئی گامگیج ءَ چہ سرپد کتگ۔اے درگت ءَ گورنرخیبرپختونخوا شاہ فرمانءَ گوشت کہ قبائلی دمگانی اسمبلی باسک ءُُ قبائلی مشران قبائلی مہلوک ءِ حقی ءِ نماھندگ انت۔ایشانی صلاح ءَ گوں دراھیں پیسلہ ءَ ھاس سمجھگ بوھگ انت۔آہاں گوشت کہ قبائلی روایات،قبائلی مشران ءُُ قبائلی مہلوک ءِ نماھندگانی شرپ ءُُ وقار حکومت ءِ ھاترا مقدم انت۔ قبائلی دمگ باز زوت ملک ءِ دیمروئی کتگیں دمگاں گوں ھوار اوشت ایت پرچا کہ فاٹا انضمام ءِ مکسد اے دمگاں را دیمروئی دیگ انت۔پیسریگیں فاٹا ءِ باروا دراھیں پیسلہ قبائلی مہلوک ءِ روایات ءِ ردا کنگ بوھگ انت۔ گورنرخیبرپختونخواءِ گوشگ ات کہ دراھیں راج قبائلی مہلوک ءِ ملک ءُُ راج ءِ ھاطر ءَ قربانیاں را شرپے چماں چارگ انت۔گند ءُُ نند ءِ تہ تحریک انصاف ءَ گوں سیادی داروکیں بنجاہی اسمبلی ءِ باسکاں ضلع خیبر اقبال آفریدی، گل ظفرخان ءُُ گل دادخان ضلع باجوڑ، جواد حسین ضلع اورکزئی ھم ھوار ات۔
