سپیکر قومی اسمبلی اسد قیصر،ڈپٹی سپیکر قومی اسمبلی قاسم خان سوری ءِ ایسٹر ءِ درگت ءَ مسیح براتاں گوں سیادی داروکیں پارلیمنٹ باسکاں ءُُ مسیحی براتری ءَ را مرادبات

اسلام آباد۔ 20 اپریل (اے پی پی) سپیکر قومی اسمبلی اسد قیصر ءُُ ڈپٹی سپیکر قومی اسمبلی قاسم خان سوری ءَ ایسٹر ءِ پُرشانیں موہ ءِ سرا مسیحی براھندگی ءَ گوں سیادی داروکیں پارلیمنٹ باسکاں ءُُ مسیحی براتاں را مراد بات داتگ۔آہاں دعا کت کہ ایسٹر دراھیں مسیحی براتری ءِ ھاترا وشی ءُُ وشھالی ءِ کلوھ پدر بیت۔ھپتگ ءَ وتی کلوھ ءِ تہ آہاں گوشت کہ حضرت عیسٰی علیہ السلام ءَ را ھداوند کریم ءَ مہر ءُُ محبت،رواداری ءُُ براھندگی ءِ تبلیغ ءِ ھاترا دیم داتگ۔آہاں گوشت کہ حضرت عیسٰی علیہ السلام ءِ مہر ءُُ محبت ءِ کلوھ مروچی ھم دراھیں قومیتءُُ براتری آنی تہ ہم آہنگی ءِ پراھی دیگ ءُُ دگنیا ءِ تہ امن ءُُ ایمنی ءَ را سدکی دارگ ءِ ھاترا مشعل ءِ راھ انت۔آہاں گوشت کہ ملک ءَ را درپیش چیلنجانی مقابلہ کنگ ءِ ھاترا مارءَ وتی صفانی تہ اتحاد ءُُ تپاکی پید ا کنگ بیت۔سپیکر ءَ پاکستان ءِ تہ نشتگیں دراھیں اقلیتءَ را داتگیں آئین ءِ تہ داتگیں حقوق ءُُ قائدآعظم محمد علی جناح ءِ راھبندانی ردا رکھگ ءِ جزم ءِ درشان کتگ۔ اسد قیصر ءَ پاکستان ءِ تہ نشتگیں مسیحی براتری ءِ جوزگ حب الوطنی ءُُ ملک ءِ دیمروئی ءُُ وشھالی ءِ ھاترا ایشانی بے لوث ہزمتانی ستا کتگ۔ ڈپٹی سپیکر قومی اسمبلی قاسم خان سوری ءَ ھم ایسٹر ءِ وشیں موہ ءِ سرا مسیحی براتری ءُُ مسیحی براتری ءَ گوں سیادی داروکیں پارلیمنٹ باسکاں را مرادباتی دیان ءَ ملک ءِ جوڈ ءُُ جاڑی ءُُ دیمروئی ءِ تہ مسیحی براتری ءِ کرد ءَ را ساڑاتگ۔