پشاور۔19اپریل (اے پی پی)مزن وزیر عمران خان ءَ گوشت کہ کپتان مکسد ہرحال ءِ تہ میچ کٹگ بوھگ انت ءُُ اے مکسد ءِ ھاترا آں وھد کپگ ءَ وتی ٹیمب ءِ لیبی ءَ راھم بدل کنگ ءُُ آہانی بیٹنگ آرڈر ھم بدل کنگ انت ،منی مکسدپاکستان ءِ گریب ءِ تبک ءَ را برز ءَ آرگی انت ءُُ من اے مکسد ءِ تہ سوبمندی ءِ ھاترا ضلورت ءِ ردا ٹیمب ءُُ لیبی آنی زمہ واری ءُُ ہمہ لیبی ءَ را ھم بدل کناں ،اے ھیالانی درشان آہاں جمعہ ءَ ضلع اورکزئی ءِ تہ اُلسی مچی ءَ گوں تران کنان ءَ کتگ ات،آہاں ھاسیں وڈ ءَ سر وزیر خیبرپختونخوا ءُُ سر وزیر پنجاب ءَ را مخاطب کنان ءَ گوشت کہ آں ھم وتی ٹیمب ءِ سرا چم ءَ ایر کن انت ، آہاں گوشت کہ ھداوند ءَ مئے سرا مزنیں زمہ واری مان کتگ ءُُ ماراایوکا اے زمہ واری ءِ فکر کنگ لوٹ ایت لہذا ہمہ وزیر پرفارمنس نہ دیگ انت آئی ءَ را بدل کنگ بیت۔مزن وزیر ءَ گوشت کہ آصف زرداری ، نواز شریف ءُُ شھباز شریف ءِ ھاندان ءَ ملکی مال ءُُ مڈی لٹ ءُُ پُل کنان ءَ ارباں کلدار ءِ مڈی جوڈ کتگ ات۔منی دیما ہمک روچ ءَ کرپشن ءِ حال بے چیر بوھگ انت ءُُ آہاں را ترس انت کہ اگہ عمران خان دوسال ھم مزن وزیر بوھگ تو مہ جیلانی تہ ببیں،ءُُ مئے لٹ ءُُ پل کتگیں مڈی واتر ملک ءِ ھزانگ ءِ تہ جم بنت اے ھاترا آں حکومت ءَ ھلاس کنگ ءِ گپاں جنئگ انت۔آہاں گوشت کہ مہلوک ءُُ ورناء کرپٹیں مردماں را دوبر حاکمی ءَ آھگ دنت۔عمران خان ءَ اوگانستان ءِ ھوالہ چہ ھیالانی درشان کنان ءَ گوشت کہ آں اوگان حکومت ءَ ہچ صلاح نہ دنت پرچا کہ آں منی صلاح ءَ را وتی ملک ءِ تہ دست مانجنی سمجھگ انت بلے دلی دعاانت کہ اوگانستان ءِ تہ امن قائم بیت پرچا کہ امن قائم بوھگ ءَ چہ اوگان مہلوک ءِ جاورگہتر بنت۔مزن وزیر ءَ گوشت کہ اوگانستان ءِ تہ جاور گہتر بنت تو اودا کینسر نادراھ جاھ جوڈ کنگ ءِ باروا جائزگ گرانت۔آہاں گوشت کہ اوگانستان ءِ امن ایوکا پاکستان نہ بلکہ اے دراھیں خطہ ءِ امن ءَ گوں بندوک انت ءُُ اگہ اوگانستان ءِ تہ امن بیت تو پاکستان وسطی ایشاء ءِ تاں بیئپار ءُُ روزگار ءِ مزنیں موہ ساڑی بنت۔
