اسلام آباد ۔ 25جنوری (اے پی پی) مسلم لیگ (ن) نا باسک قومی اسمبلی مائزہ حمید پارینے کہ عمران خان نا کیس نزور مرسا ہِننگ ئِ ہندن ہندن مریم نواز نا وکیل دلیل ترسا ہِننگ ئِ عمران خان نا دروغ نا داوا و دوبہ غاتا بت پنسا ہِننگ ئِ۔ سپریم کورٹ نا پیشن میڈیا تون ہیت وگپ کرسا اوپارے کہ کیس ئِ باتننگ نا آثار داسہ اونا دروشم آ ہم نظربننگ نا بناءمسنے۔ اوپارے کہ وزیراعظم محمد نواز شریف تینا مسہ نسل آتا حساب ئِ تننگ ئِ ولے عمران خان نئے الیکشن کمیشن اٹی تلاشی تننگ ئِ و نئے منی ٹریل تننگ ئِ ہرا اونا دوہرا معیار ئِ۔ اوپارے کہ اسٹاک ایکسچینج انڈیکس 50ہزار آن بڑزاہنانے ۔ عمران خان ہم خیبر پختونخوا ٹی تینا کارککڑد ئِ بایدے نشان ایتے ۔ اوپارے کہ عمران خان مریم نواز آن خلیک۔ 2018ءنا گچین کاری تیٹی عمران خان نا پارٹی نا جنازہ پیش تمک، اودے مریم نواز اسہ مون آ بروک ئُ راہشون اس نظر بننگ ئِ ہنداخاطران او اوڑآ دوبہ خلنگ ئِ۔
