اسلام آباد۔ 25جنوری (اے پی پی) قومی تاریخ و ادبی میرات ڈویژن کن وزیراعظم نا سلاہکار عرفان صدیقی پارینے کہ پاکستان و سعودی عرب نا سنگتی بے کچ پائیدار بنداوتیا ٹی ئِ۔ مذہبی ، تہذیبی ، تاریخی و دودوربید ہ ہی و اقتصادی رشتہ غاتیٹی جاڑ دا سنگتی صدی تیا محیط ئِ و وخت اتون اوار اوار پین سوگو مرسا کائک۔او داہیت ئِ پاکستان اٹی سعودی عرب نا سفیر جناب عبداللہ مرزوق الزاہرانی تون ہیت وگپ کرسا پارے ہرااینو سلاہکار وزیراعظم تون اوڑدہی کرے۔ عرفان صدیقی پارے کہ ہرپاکستانی گل زمین حجاز تون بھاز عقیدت تخک و اونا رکھ ئِ تینا فرض خیال کیک۔ سعودی عرب نا سفیر عبداللہ مرزوق الزاہرانی پارے کہ سعودی عرب و پاکستان نا تین پہ تینی تعلقداری وخت انا ہرآزمائش آ پورو سلیسنے۔ ہڑتوم آ ملک آتا نیام اٹ تین پہ تینی کمک نا کیہی بشخ آتیٹی ودکی مننگ ئِ۔ ہڑتوم آ ملک آک دہشت گردی نا چٹفنگ کن پرعزم ئُ۔ عرفان صدیقی اسلامی خطاطی نا اسہ فن پارہ اس سعودی سفیر ئِ پیش کرے۔
