اسلام آباد۔ 19 اپریل (اے پی پی) وزیراعظم عمران خان تون پاکستان کرکٹ ٹیم و ٹیم انا انتظامیہ جمعہ نادے آ داڑے اوڑدہی کرینے۔ وزیراعظم آفس نا کنڈآن جاری بیان اٹی پاننگانے کہ قومی ٹیم انا گوازی گرو ٹیم انتظامیہ وزیراعظم عمران خان تون اوڑدہی کریر و اوڑتون گروپ فوٹو اس ہم ہلکر۔ یات سلے کہ چیف سلیکٹر انضمام الحق تدوک آدے انگلینڈ نا دورہ و ورلڈ کپ اکن 15باسکی قومی کرکٹ ٹیم انا پڑو ءِ کریسس۔ پڑوکروک ٹیم اٹی کیپٹن سرفراز احمد، عابد علی، بابراعظم، فہیم اشرف، فخرزمان، حارث سہیل، عماد وسیم، امام الحق، جنید خان، محمد حفیظ ، محمد حسنین ، شاداب خان، شاہین شاہ آفریدی و شعیب ملک ئسک اوارووخت اس کہ انگلینڈ نا برخلاف ٹی ٹونٹی و ون ڈے سیریز کن اِراودکی گوازی گر محمد عامر و آصف علی ئسک ہم ٹیم اتون اوار مریرہ۔
