اسلام آباد۔ 18 اپریل (اے پی پی) صدر مملکت ڈاکٹر عارف علوی ءَ گوشت کہ پاک چین اقتصادی راہداری ءَ پاکستان ءَ را میاں اوستمانی بیئپار ءُُ سرمایہ کاری ءِ ھاترا ھاسیں جاھ داتگ انت، حکومت سماجی ءُُ اقتصادی دیمروئی ءَ را گیش ارزشت دیگ انت۔آہاں اے گپ این ڈی یو ءِ چیر دستی میاں اوستمانی سی پیک ورکشاپ ءِ ڈلے گوما پنچ شمبے ءَ ایوان ءِ صدر ءِ تہ گپ ءُُ تران کنان ءَ گوشتگ ات۔ صدرءَ گوشت کہ ھاسیں اقتصادی زونز ءِ جوڈ دیگ سی پیک ءِ دومی بھر یعنی صنعتی کمک ءِ ھاسیں جز انت۔ایشی ءِ ھاترا سرکاری ءُُ جندی اشتراک ءِ تہ گیشی کنگ بیت۔آہاں ھاسیں اقتصادی زونز ءِ ھاترا ہنرمندءِ انسانی وسیلگ ءُُ پاکستان ءِ تہ سی پیک ءِ حامل کارانی ءِ ارزشت ءَ را دیما آرتگ۔ صدرءَ گوشت کہ دس سالانی تہ 10لکھ نوکری پیدا کنگ بنت۔مئے ہیومن ریوسورسز ءَ را اے ھوالہ ءَ تیار بوھگ ءِ ضلورت انت۔ صدر ءَ سی پیک ورکشاپ ءِ برجم داری ءِ سرا این ڈی یو ءِ ستاکنان ءَ باندات ءِ تہ ایشانی کوشستانی ھاترا وتی سرجمیں پلہ مرزی ءِ سدکی داتگ۔
