مچ آ صوبہ ٹی کوزہ مافیا و تجاوزات آتا برخلاف 8اپریل آن 12اپریل اسکان برجاسلوک آ خصوصی مہم اٹی کروڑ آ روپئی نا مالیت نا سرکاری ڈغارتے کوزہ مافیاغان پدی ہلنگا
کوئٹہ۔ 18اپریل (اے پی پی) وزیراعلیٰ بلوچستان جام کمال خان نا خصوصی پارت آ مچ آ صوبہ ٹی کوزہ مافیا و تجاوزات آتا برخلاف 8اپریل آن 12اپریل اسکان برجاسلوک آ خصوصی مہم اٹی کروڑ آ روپئی نا مالیت نا سرکاری ڈغارتے کوزہ مافیاغان پدی ہلنگانے، ضلع کوئٹہ ٹی 19 ایکڑ ڈغار تیا ناروا کوزہ ءِ چٹفنگانے ہرانا مالیت کم و ود 2370 ملین روپئی ءِ، ضلع ژوب اٹی کارروائی ٹی 8ایکڑ ڈغار تیا کوزہ ءِ چٹفنگا ہرانا مالیت کم و ود 38ملین روپئی ءِ، ضلع سبی ٹی 130 ملین روپئی مالیت نا چار ایکڑ ڈغار و ضلع نصیر آباد اٹی اِرالکھ مربع فٹ ڈغار تے پدی ہلنگا ہرانا مارکیٹ اٹی نہاد 187 ملین روپئی ءِ، قلات اٹی کم و ود یک و نیم لکھ مربع فٹ ڈغار تے پدی ہلنگا ہرانا مالیت 174ملین روپئی ءِ، رخشان ڈویژن اٹی 33ایکڑ ڈغار تے پدی ہلنگا ہرانا مالیت 56ملین روپئی ءِ، وخت اس کہ مکران ڈویژن اٹی 59 ایکڑ ڈغار تے پدی ہلنگا ہرانا مارکیٹ اٹی نہاد 65ملین روپئی ءِ، کارروائی ٹی جم وڑاٹ کم و ود 1500 ایکڑ ہنکینی ، واپاری و کشاری ڈغارتیا کوزہ ءِ چٹفنگا ہرانا مارکیٹ اٹی جم نہاد 5375ملین روپئی نا لگ بھگ ءِ ، کوئٹہ شار اٹی کانسی روڈ، ازبک بازار، خروٹ آباد، گاہی خان چوک ، جوائنٹ روڈ، علمدار روڈ، پرنس روڈ، مسجد روڈ، تولیٰ رام روڈ، لیاقت بازار و بروری روڈ آ تجاوزات آتا چٹفنگ و کوزہ مافیا نا برخلاف مہم اٹی 346060 مربع فٹ ڈغارتیا کوزہ ءِ ختم و تجاوزات آتے اسہ کنڈ کننگا ہرانا مالیت 196کروڑ روپئی ءِ ۔
