اسلام آباد۔ 18اپریل (اے پی پی) وزیر خزانہ اسد عمر و زارت خزانہ نا قلمدان ءِ اِلنگ نا فیصلہ ءِ کرسا پارینے کہ او داہیت آ پکا باور کیک کہ وزیراعظم عمران خان پاکستان نا گچین اومیت ءِ و انشاء اللہ او پوسکن ءُ پاکستان اس جوڑ کیک۔ پنچ شنبے نادے آ تینا ٹویٹ اٹی اوپارے کہ کابینہ ٹی ردوبدل نا رداٹ وزیراعظم عمران خان اوڑتون وزارت خزانہ نا جاگہ غا وزارت توانائی نا قلمدان ءِ سنبھالنگ نا است خواہی نا درشانی ءِ کرے ولے او وزیراعظم ءِ داہیت آ رضامند کرینے کہ او ہچ ءُ وزارت اس ہلپک۔ اوپارے کہ اوناپکا یخین ءِ کہ وزیراعظم عمران خان پاکستان نا گچین اومیت ءِ و انشاء اللہ او پوسکن ءُ پاکستان اس جوڑ کیک۔
