اسلام آباد۔ 18اپریل (اے پی پی) بنجائی وزیر دفاعی پیداوار زبیدہ جلال بلوچستان اٹی کودک مسافر آتیا مروک آ جلہو نا ترند انگا لوز آتے ٹی مذمت ءِ کرسا پارینے کہ زموارآتے اوفتا کروک نا سزا تننگک۔ بلوچستان اٹی امن و ایمنی ءِ خراب کننگ نا ہر کوشست تون سختی اٹ مون تننگک۔ پنچ شنبے نادے آ تینا بیان اٹی بنجائی وزیر دفاعی پیداوار زبیدہ جلال جلہو اٹی جانی نسخان آ ڈکھ و است ہسونی نا درشانی ءِ کرے۔ بنجائی وزیر داعزم انا درشانی ءِ کرے کہ دُن انگا کارروائیک بلوچستان اٹ جاری شونداری ڈٹ آتاکسر اٹ اڑاند مننگ کپسہ و دہشت گرد آک تینا عزم آتے ٹی بے سہب مریرہ۔ بنجائی وزیر شہید مروک آ تا وارث آتون ہڑزخواہی کرے و ٹھپی تا زوت جان جوڑی کن دعا کرے۔
