اسلام آباد۔ 18اپریل (اے پی پی) وزیر مملکت داخلہ شہریار خان آفریدی اورماڑہ ٹی دہشت گردی نا واقعہ نا ترند انگا لوز آتے ٹی مذمت ءِ کرینے۔ پنچ شنبے نادے آ تینا بیان اٹی اوپارے کہ ساڑی آ دہشت گردجلہو آتا ٹائمنگ داہیت انا درشانی ءِ کہ دشمن پاکستان ءِ ایف اے ٹی ایف و ایلو جہانی فورم آ تیانسخان تننگ خواہک۔ اوپارے کہ لغور دہشت گرد آک درملکی آقاتے خوش کننگ کن کودک شاری تے ٹارگٹ کرسا وطن فروشی نا شاہدی اس تسنو۔ دہشت گرد آتے اوفتا جاگہ غاتیان کشسا عبرت نا نشانہ اس کینہ۔ اوپارے کہ کودک شاری تا بے رحمانہ کسفنگ اے پی ایس جلہو نا یات ءِ تازہ کرینے۔ اینو ولدا غٹ سیاسی جماعت و ادارہ غاتے یکجا مرسا دہشت گردی نا برخلاف حکومت نا دُو ءِ سوگو کروئی مریک۔ وزیر مملکت داخلہ پارے کہ پاکستان نا برخلاف دہشت گرد آتا ناپاک عزم غٹ انا مون آ بسنے۔ داسہ ریاست دہشت گرد آتے کڑو کڑو آ عبرت نا نشانہ کیک۔
