کوئٹہ۔ 18 اپریل (اے پی پی) وزیراعظم نا خصوصی کمکار و پاکستان تحریک انصاف بلوچستان نا صوبائی صدر سردار یارمحمد رند مکران کوسٹل ہائی وے آ 14کودک خلقت ءِ کسفنگ نا لغوری نا واقعہ نا ترندانگا لوز آتے ٹی مذمت ءِ کرسا پارینے کہ دہشت گرد آتا داوڑنا بہیمانہ واقعہ غاک پاکستان و بلوچستان ءِ بدنام کننگ نا دشمن واک آتا سازش اسے، صوبائی حکومت واقعہ نا پورو جاست وپاست ءِ کرسا اوار عنصر آتے اوفتے اوفتا کروک نا سزا ایتے، پنچ شنبے نا دے آ پاکستان تحریک انصاف صوبائی سیکرٹریٹ آن جاری کروک بیان اٹی وزیراعظم نا خصوصی کمکار و پاکستان تحریک انصاف بلوچستان نا صدر سردار یار محمد رند پارینے کہ مکران کوسٹل ہائی وے آ پیش بروک آ است ہسون واقعہ مذمت نا قابل ءِ ، کودک و بے گناہ خلقت ءِ بے دردی اٹ کسفنگ انسانیت نا برخلاف ءِ، اوزہمی خاہوت آتون ہڑزخواہی و ہمدردی کرے۔
