
پاکستان دہشت گردی نا جنگ اٹی بھلو سرسہبی دوئی کرینے ولے جنگ داسکان چٹتنے
اسلام آباد۔ 18اپریل (اے پی پی) بنجائی وزیر اطلاعات چوہدری فواد حسین پارینے کہ پاکستان دہشت گردی نا جنگ اٹی بھلو سرسہبی اس دوئی کرینے ولے جنگ داسکان چٹتنے، ہزارہ، حیات آباد و کوسٹل ہائی وے آ بہیمانہ واقعہ نا زموار آتے نشان عبرت کینہ۔ پنچ شنبے نادے آ تینا ٹویٹ اٹی اوپارے کہ ہزارہ غا جلہو، ولدا حیات آباد اٹی ٹی ٹی پی و اینو کوسٹل ہائی وے آ بہیمانہ واقعہ اسہ سجفوک ءُ پیٹرن اس نظر بننگ ءِ۔ اوپارے کہ نن امن کن بھاز قربانی تسونن انشاء اللہ نن زموری آتے عبرت کن مثال اس کینہ۔ اوپارے کہ نن دہشت گردی نا جنگ اٹی بھلو سرسہبی اس دوئی کرینن ولے جنگ داسکان چٹتنے۔