اسلام آباد۔ 18اپریل (اے پی پی) اسپیکر قومی اسمبلی اسد قیصرو ڈپٹی اسپیکر قاسم خان سوری ہنگول نیشنل پارک بزئی ٹاپ اٹی دہشت گردی نا واقعہ نا ترند انگا لوز آتے ٹی مذمت ءِ کرسا واقعہ ٹی جانی نسخان آ ڈکھ و است ہسونی نا درشانی ءِ کرینو۔ پنچ شنبے نادے آ تینا بیان اٹی اوپارے کہ کودک انسانی جان تتون گوازی کروک آک ملک و قوم انا دشمن ءُ، پاکستانی قوم دہشت گردی نا برخلاف یکجاءُ، داوڑنا لغوری نا کارروائیک دہشت گردی نا برخلاف ننا عزم ءِ متزلزل کننگ کپسہ۔ اوفک پاریر کہ دہشت گردی نا داواقعہ ٹی اوار عنصر آتے زوت کانود نا رداٹ سزاتننگے۔ اسپیکر و ڈپٹی اسپیکر پدسلوک آ خاہوت آتون ہمدردی و ٹھپی تا زوت جان جوڑی کن دعا کریر۔
