اسلام آباد۔ 18اپریل (اے پی پی) چیئرمین سینیٹ محمد صادق سنجرانی اورماڑہ نا کوسٹل ہائی وے آ مسافر آتے کسفنگ نا واقعہ نا ترند انگا لوز آتے ٹی مذمت ءِ کرسا پارینے کہ دہشت گرد آک ملک انا امن و ایمنی ءِ لتاڑسا تینا گندہ انگا مسخت آتے ٹی سرسہب مننگ کپسہ۔ اوسلہہ بند بندغ آتا بربریت ءِ لغوری نا کارروائی و باتروک ءُ ذہنیت اس گوندا۔ چیئرمین سینیٹ پارے کہ پرامن چاگڑد ءِ خراب کننگ نا ہرسازش ءِ ہرحال اٹ بے سہب کننگک، دہشت گردی نا ملک آن چٹفنگ اولیت ءِ، دہشت گردآک ہچ ءُ رعایت اسے نا حقدار افس۔ چیئرمین سینیٹ محمد صادق سنجرانی 14نہادی جان تا زیان آ ڈکھ و است ہسونی نا درشانی ءِ کرسا شہید آتا خاہوت آتون ہڑزخواہی کرے۔ ڈپٹی چیئرمین سینیٹ سینیٹر سلیم مانڈوی والا ، سینیٹ اٹی قائد ایوان سینیٹر سید شبلی فراز، سینیٹ اٹی قائد حزب اختلاف سینیٹر راجہ محمد ظفرالحق ئسک ہم مسافر آتا کسفنگ نا ترند انگا لوز آتے ٹی مذمت ءِ کرسا شہید ااتے کن بخشش نا دعا کریر۔
