اسلام آباد۔ 18اپریل (اے پی پی) پاکستان پیپلزپارٹی نا شریک چیئرمین و مسکوہی صدر آصف علی زرداری مکران کوسٹل ہائی وے آ کودک بندغ آتا کشت وخون ءِ وحشیانہ دہشت گردی اس گوندسا واقعہ نا ترند انگا لوز آتے ٹی مذمت ءِ کرینے۔ پنچ شنبے نادے آ تینا مذمتی بیان اٹی او پارے کہ کودک انسان تا دتر ءِ وہیفوک آک معافی نا قابل افس، دُن انگا واقعہ غاتیان بچنگ کن نیشنل ایکشن پلان آ من و عن عمل بایدے کننگے۔ اوپارے کہ دہشت گردی اسہ لعنت اسے دادے چٹفوئی مریک۔ اونا پاننگ ئس کہ او و پیپلزپارٹی نا کارندہ غاک شہید آتا خاہوت آتا غم اٹی بریبر نا شریک ءُ۔
