ملک اٹی پھسات تالان کننگ نا کوشست آک سرسہب مننگ کپسہ، قوم دہشت گردی نا برخلاف جنگ اٹی متحد و پرعزم ءُ، ڈاکٹر عارف علوی
اسلام آباد۔ 18 اپریل (اے پی پی) صدر مملکت ڈاکٹر عارف علوی مکران کوسٹل ہائی وے آ دہشت گردانہ جلہو نا ترند انگا لوز آتے ٹی مذمت ءِ کرینے۔ صدر مملکت نہادی انسانی جان تا زیان آ ڈکھ و غم انا درشانی ءِ کرسا شہید آتا درجہ غاتا بڑزی و اوفتا خاہوت کن صبر وجمیل نا دعا کرے۔ صدر مملکت پارے کہ ملک اٹی پھسات تالان کننگ نا دُن انگا کوشست آک سرسہب مفسہ، قوم دہشت گردی نا برخلاف جنگ اٹی متحد و پرعزم ءِ۔
